Main Aur Meri Tanhai

Here is another take inspired by Indispire edition 49  #Solitude - 
A poem in Hindi - Main aur Meri Tanhai

मैं और मेरी तन्हाई 

Main Aur Meri Tanhayi
Donon ka hai Gehra Saath,
Khushi Mein Hain Daman Failate, 
Gam mein Bhi Thamte haath,

Raat Hoti gar lambi Sheet ki,
Garm rakhte khwab meet se, 
Ubalte ujle grishm mein bhi,
Thandak dete bhunte man ko.

Main Aur Meri Tanhayi
Donon ka hai Gehra Saath,
Khushi Mein Hain Daman Failate, 
Gam mein Bhi Thamte haath,

Dard Ho gar gahre chot se, 
Wakt ke ye lep lagate,
Anandit, Prafullit man kar,
Bar Bar Jeewant Kar Jaate,

Main Aur Meri Tanhayi
Donon ka hai Gehra Saath,
Khushi Mein Hain Daman Failate, 
Gam mein Bhi Thamte haath,

Toot Ke gar bikhre til - til
Dil ko dil ki baat batate,
Nav man, Tarun tan kar, 
Uth kar nai rah chalate.


Aditya Sinha 
Aligarh
29.10.2015


Also posted in Hindi on my hindi blog page.
http://facetsofadihindi.blogspot.in/2015/01/blog-post_27.html

Akele Hote tanha Nahin Hum

Akele Hote tanha Nahin Hum

Akele Hote Tanha Nahin Hum,
Tanhai main Khud se jab milte, 
Uthte Girte is Jeevan Ke, 
Path hum sung sahaj kar lete.

Har kone mein kuchh panne bikhre,
Diwaron se tasveerein ludhakte,
guzle pannon ke lupt lakeerein,
latakte tasveeron pe dhool ki chadrein
Aankon se bahte do boond sahas,
Dhumil tasveerein nav chetan karte,
Un pannon mein uljhe afsaane, 
Suljhate byathayen, banate tarane, 

Akele Hote Tanha Nahin Hum,
Tanhai main Khud se jab milte, 
Uthte Girte is Jeevan Ke, 
Path hum sung sahaj kar lete.

Tanha Jeevan kora dil, 
phir dil pe dastak har pal,
kabhi udti zulfein, kabhie chandan badan,
kale nain, kuch larajte yovan,
Dil ke dhadkan uthte baithte,
Band Aankhein aur Unmukt man,
Tarein Milte fir karta chayan, 
Milte Sur Bante sargam.

Akele Hote Tanha Nahin Hum,
Tanhai main Khud se jab milte, 
Uthte Girte is Jeevan Ke, 
Path hum sung sahaj kar lete.

Hota kunthit zehan, ya pida dafan, 
Anjane sawal ya vichlit man, 
Khushi ke hote zhumte mausam,
Ya gaurav se harshit palchhan, 
Adheer Rooh milta khud se,
Dhoondh Ekant door jagat mein,
Alingan karta man fir tan se, 
Khoj rahasya tarunit ho jata.

Akele Hote Tanha Nahin Hum,
Tanhai main Khud se jab milte, 
Uthte Girte is Jeevan Ke, 
Path hum sung sahaj kar lete.

Aditya Sinha

28. 01 2015 

Aligarh 

(This is written in reference to theme - Solitude in Indispire 49th edition on Indiblogger) #Solitude

Also posted in Hindi on my Hindi blog page  http://facetsofadihindi.blogspot.in/2015/01/blog-post_28.html